輪 椅 夫 人

陳 水 扁 黑 錢 案 ， 女 主 角 扁 嫂 ， 比 老 公 風 頭 更 甚 。

一 個 女 人 坐 輪 椅 ， 本 來 值 得 同 情 ， 但 扁 嫂 的 本 事 ， 是 把 一 張 輪 椅 坐 得 很 陰 森 ─ ─ 有 一 次 ， 阿 扁 當 了 總 統 ， 晚 上 十 點 鐘 才 回 家 ， 打 開 門 ， 看 見 扁 嫂 坐 在 輪 椅 上 ， 手 持 一 張 菜 刀 ， 她 懷 疑 老 公 在 外 有 了 人 ， 大 喝 一 聲 ， 揮 刀 要 拼 命 。

非 常 希 治 閣 的 電 影 場 面 ： 電 影 《 觸 目 驚 心 》 ， 男 主 角 的 母 親 坐 在 輪 椅 上 ， 關 在 閣 樓 ， 輪 椅 緩 緩 轉 過 來 ， 原 來 是 一 具 屍 。

兇 殺 懸 疑 的 戲 劇 ， 如 果 戲 中 的 女 人 坐 一 張 輪 椅 ， 手 拿 一 張 刀 ， 靜 靜 坐 ， 有 一 隻 小 熊 玩 具 放 在 地 上 ， 牆 壁 上 的 時 鐘 滴 答 地 響 ， 敲 響 了 十 二 點 ， 那 張 輪 椅 ， 可 以 更 刺 激 觀 眾 的 腎 上 腺 。

配 上 扁 嫂 這 一 張 天 生 刻 薄 的 臉 孔 ： 面 無 薄 肉 ， 瘦 可 削 骨 ， 一 雙 充 滿 怨 恨 的 眼 睛 好 像 要 討 回 前 三 輩 子 的 債 ， 不 笑 時 已 經 殺 氣 嚴 肅 ， 掀 動 嘴 角 泛 起 一 絲 微 笑 時 ， 就 像 動 手 要 剝 皮 的 信 號 ， 好 似 從 前 聚 義 廳 明 火 執 杖 之 間 坐 在 虎 皮 椅 上 的 一 個 山 寨 夫 人 。

她 的 輪 椅 ， 午 夜 時 份 ， 在 總 統 府 的 客 廳 推 ， 吱 吱 吱 地 走 出 去 ， 吱 吱 吱 地 轉 回 來 ， 金 屬 冷 峻 的 交 磨 之 音 ， 聽 上 去 會 令 人 覺 得 在 磨 刀 。 有 一 場 戲 ： 阿 扁 熬 了 二 十 年 ， 這 一 夜 ， 終 於 憋 不 住 了 ， 背 對 她 ， 收 起 一 張 笑 臉 ： 「 今 天 是 我 們 相 識 三 十 年 的 日 子 ， 我 推 你 出 去 ， 吹 吹 晚 風 ， 好 不 好 ？ 」

輪 椅 上 的 這 個 女 人 ， 半 信 半 疑 ， 收 起 刀 子 。 鏡 頭 一 轉 ， 阿 扁 把 老 婆 推 上 懸 崖 ， 月 光 之 下 ， 崖 下 的 浪 花 一 片 白 森 森 ， 阿 扁 一 面 陰 陰 笑 ， 一 面 唱 情 歌 ， 輪 椅 一 點 點 往 上 推 ， 推 到 多 風 的 最 高 點 。

這 時 ， 扁 嫂 忽 然 警 覺 了 ， 霍 地 回 過 頭 來 ， 在 懸 崖 邊 ， 阿 扁 拼 命 把 輪 椅 推 出 去 ， 女 人 伸 手 抓 他 的 臉 孔 ， 嘶 叫 ， 扭 打 成 一 團 ， 到 底 還 是 阿 扁 力 氣 大 一 點 ， 最 後 飛 起 一 腳 ， 扁 嫂 帶 輪 椅 ， 在 月 光 和 浪 花 聲 中 飛 墮 下 去 ， 發 出 一 陣 裂 人 肺 腑 的 慘 叫 聲 … …

好 在 台 灣 還 有 民 主 ， 及 時 把 這 個 女 人 連 同 輪 椅 掃 了 下 去 。 在 一 個 獨 裁 社 會 ， 設 想 如 果 慈 禧 太 后 也 半 身 不 遂 ， 坐 一 張 輪 椅 進 出 坤 寧 宮 和 養 心 殿 ， 後 面 由 李 蓮 英 來 推 ， 清 末 的 十 年 ， 不 知 還 會 多 死 幾 人 。

選 總 統 ， 要 連 同 夫 人 一 起 選 的 ， 有 其 妻 必 有 其 夫 ， 十 年 前 ， 她 還 是 小 白 兔 般 的 角 色 ， 老 公 把 她 扶 上 台 ， 她 兩 臂 環 攙 阿 扁 的 肩 背 ， 笑 得 像 一 個 天 使 ， 為 何 轉 眼 一 張 臉 如 此 詭 魅 呢 ？ 那 張 輪 椅 ， 是 權 力 的 魔 椅 ， 坐 上 去 就 變 成 另 一 個 人 。

一 個 扁 嫂 ， 一 個 呂 秀 蓮 ， 一 把 手 鎗 ， 指 你 的 頭 ， 叫 你 挑 一 個 來 陪 過 夜 ， 你 會 選 哪 個 ？ 生 死 關 頭 ， 我 會 閉 上 眼 睛 說 ： 最 好 能 加 一 百 萬 ， 我 會 揀 呂 秀 蓮 。

我幾鍾意立體卷軸人體繪畫個幕，但竟然有人話係抄周星馳的唐伯虎，真係笑死人了！

第一集講沙漠，其實都有ｄ離奇架，沙漠代表乜野自由喎？係茫然艱苦就真。如果真係咁自由就大把人去生活啦。但我不嬲都鍾意摩洛哥，見到ｄ咁exotique的地方都好開心。

第二集講印度，真係令人大開眼界呀，特別是講德蘭修女個part。記得佢死個陣，有人話德蘭修女以自己的名氣買野唔俾錢。唉，就算唔俾咁又點呀？佢幫個ｄ都係最慘的人，好似垂死的人、殘廢的人，慘到連自願組織都忽視，我都好擔心佢冇錢呀。但原來佢都有好多義工，仲有兩個香港人添！香港人真係有善心呀！（但個節目冇講有冇大陸人喎）

第三集講阿余慕蓮去貴州起學校。余慕蓮原來７０歲，真係睇唔出喎。佢退左休（咁咪冇得睇佢扮垃圾婆？）之後有２０萬退休金，捐左成８萬，差不多成半呀！嘩，又一個有善心的香港人！而家香港女性都有８、９０歲命，余慕蓮都有十幾廿年捱架喎，俾著好多人就唔捨得捐咁多錢喇（死左先捐又唔同）。

而家發達國家的有錢人都興捐錢，好似Bill Gates同巴菲特咁，回饋社會。香港的李生、郭生個ｄ唔知會唔會咁做呢？好難講，因為人地外國冇咁多家族生意，亦冇肥水不流別人田呢ｄ咁鄉下的句子。

咁煲呔曾又冇董建華咁拗底既，因為阿董可謂做乜決定都全錯，機會率簡直係１００％呀！（但當奴離呢個目標都不遠矣。）最近有個小學生問答比賽，問逃避現實叫乜乜政策，個靚仔答「八萬五」！證明阿董已經成為一切負面詞語的代名詞。你話大陸欽點個ｄ領袖係咪個個都出類拔萃呢？

個主持的反應都唔錯，起碼唔會一下就話人錯。但如果係我的話，我唔止話啱，仲會加bonus添

在無數的救災活動中，有政府搞的、有無線、亞視、政黨、國際救援組織、宗教團體，甚至連街坊福利會搞的都有，不禁讓我覺得：有部份組織有點可疑，就像一間污糟茶餐廳的豉椒炒河裡面的豉椒一樣，可能混進一兩隻蒼蠅。我不是冷血，不是不愛國，不是漢奸，但捐錢的時候，也要認清牌子。我這種疑慮，是來自無數混水摸魚的慈善騙局，由假賣旗、假乞丐，到ｎ年前華東水災的善款被大陸貪官貪盡、希望工程被淘空等消息已讓我除紅十字會等國際組織外，甚麼都不相信。

(閱讀全文)

而家呢個乜鬼一百萬人的故事又好似上次咁煽情，聽到阿陳生用懶感傷的語調講野已經好惡頂，佢講ｄ野又冇乜point，我睇左唔夠三分鐘已經聽佢講呢句：「窮，真係好慘」成三次咁多。加埋用埋晒ｄ偽人訪問，更加有一種造作的感覺。自從阿嬌事件之後，藝人已經變番偽人的真身，佢自己就穿金戴銀，學人關懷窮人？自己唔係貪慕虛榮都唔做藝人啦。慌死佢地唔係拎轉過頭就話：「快ｄ走啦，咁污糟」咩？加左ｄ偽人，更加加強左呢個節目只係做show的感覺。講真，如果佢地真係咁正義，就唔該佢用下自己係名人的影響力，向政府要求做ｄ實際的野啦。但係佢地敢咩？佢地唔驚經理人話咩？佢地咪只不過係一班個樣生都靚少少或者識得擦鞋的木頭公仔。

如果真係要達到探討社會問題，令人反思，而唔係覺得佢似做show的話，就要睇下港台個套「活在邊緣」。佢係由ｄ不知名演員演出，個個都演得不知幾自然，表現出香港呢個社會有幾咁荒謬，好似天水圍新移民自力更新，但最後俾個衰老公偷晒ｄ錢、阿伯唔識拿綜援，最後要打劫便利店搏坐監呢幾個故事，真係好寫實，又一次過探討一個問題的好幾面，唔係一味窮呀窮呀窮呀，冇錢呀咁，好過你ｄ偽人懶有同情心做show多多聲。

其實澳門沒啥好看，主要是去看幾個賭場和食好野。上次去澳門已經是五六年前的事了，當時只有葡京一間大賭場，而且惡名遠播，所以不敢進去。今次無論如何都要見識傳統「賭窟」和拉斯維加斯引入的娛樂場有什麼分別。

上次到澳門出入都靠巴士，但今次差不多全靠賭場的免費巴士。太好了，省回不少錢，如果路環那邊有多幾間賭場，還可以免費遊所謂的澳門離島（跟香港要搭船的離島距離差得遠了）。我們一抵步即乘免費車到星際，雖然還是有一大陣煙味，但裝修頗豪。到永利參觀後就更impressed，那裡一進門就有一棵會彈出來的「吉祥樹」（咪係呃你班友仔的迷信野），又有自家品牌的水，地方又闊落。賭場有頗企理的餐廳，又有名店街，最岩ｄ有錢佬帶住個Chiling咁的靚女贏錢後去購物。

接著我們就到永利對面的葡京，一進門有個葡裝的人開門，簡直與裡面格格不入。裡面的舖頭好似星光行之類咁，雖然賣名錶名袋，但舖面一點不及永利。而且通道後窄，十足迷宮，在周杰倫隻夜曲下（其實我很喜歡這首歌，但現在聽了就忍不住想去葡京），我們好不容易才找到賭場入口。賭場入面的賭台非常密，很局促，最局促的還是那陣勁大的煙味，很多大陸客在抽煙，抽風不捉，但很有搏殺味。如果永利、美高梅是有錢佬林建岳著西裝加黑色低胸晚裝靚女林志玲去賭下，賭完去購物上房香艷下的話，葡京就是香港三行佬地盤佬大口青手頭緊過去搵命搏，輸左有隻著黑色夢特嬌polo恤加黑色西裝外套配金頸的王俊棠大耳窿，用一隻大手搭埋大口青個膊頭話：輸左可以再來過啦。

從葡京逃出來後，去了後面的新葡京看看情況會否好一點。新是新一點，但不知怎的覺得很土，可能是因為太金和太多水晶燈。我們一看guidebook，竟然後現是帆船酒店的設計師設計！為什麼會那麼土？哦，可能是賭王同四太話：點可以咁簡單架，多ｄ金多ｄ水晶，旺呀嘛，大陸ｄ客鍾意嘛。改了五十次之後，就變了金至尊。好心佢兩條友就學下個女啦，搞得美高梅那麼高級。

我個人覺得美高梅是最高檔的。地方寬敞，煙味不大，有地方坐，有電視，有酒吧表演，到處都有果汁喝。我最喜歡是它的餐廳，很靜很有情調。澳門的法文老師告訴我葡京有間食lunch 300，個dinner都2000蚊的Robuchon。我一想到葡京的環境，就不想再去了，如果Robuchon在美高梅300又無所謂。

第二天去了威尼斯人，其實威尼斯人像一個很大的mall，不經不覺就進了賭場，與個mall融為一體，與其他賭場又要檢查又要寄背包不同。呢個威尼斯mall實在太大了，走到腳斷。裡面的運河頗有特色，但坐gondola的人一個都沒有，太貴了吧。我還是省點錢到意大利坐真的好了。威尼斯裡外都裝修得很用心，外面也很漂亮，一點沒有大陸的馬虎亂抄歐洲的感覺，反而像迪士尼。

但說真的，我對這些賭場都沒什麼興趣，很多都是imitate歐洲，很有一種美國feel，對我這種歐洲迷來說，我喜歡的當然是正貨了。即使不能到歐洲，參觀澳門的葡萄牙遺產也是好的。我很喜歡主教山一帶的地方，很寧靜，教堂外有很大的地方，又可以看澳門全景。那個阿婆井也很有葡萄牙feel。總之我不太喜歡人太多的地方，那個如果不是老細Anders介紹都不會去的媽祖文化村，其實也很靜很美麗，原來那個天后像還印在澳幣上，真是不說也不知道呢。

說到歷史，就不得不提法國的前人。懷念前人對香港來說，是一種風潮。例如有某個名人死了，大家都覺得可惜，就算如徐四民之流，也有很多人讚賞。但除了哥哥比較多fans悼念，和很多唱片公司發死人財之外，前人在我們心目中的份量不大，而且這些前人只限娛樂名人，文人、政界的人都不在內。有誰知道蕭紅葬在哪裡？有誰知道張愛玲當年在港大的哪裡寫過稿？

但巴黎就不同了，巴黎的幾個墳場，都成為旅遊點，有網頁，有旅遊指南，連旅遊書都有介紹。我們今次去的，是Montparnasse的墳場，下葬的名人包括存在主義的Satre, Simone de Beauvoir, Citronen汽車創辦人Andre Citronen，作家Maupassant和歌手Serge Gainsbourg。起初我在猶豫可不可拍照，怕對先人不敬，但後來見到其他遊客都在拍照，自己都拍了。

香港的墳場像我們住的地方一樣擠逼，不是清明重陽便一個人都沒有，當然沒有人願意去，但法國的墳場地方寬敞舒服，一點也沒有陰深的感覺，墳墓雕像亦甚有美感，就好像給遊人散步的地方，難怪吸引那麼多遊客。巴黎地鐵四通八達，一出墳場門口便是metro，不知先人會否被地鐵吵得不冥目呢？

呢幾日睇到網上ｄ人話xanga唔係blog，係日記，又爭論話sina, bloggers個ｄ先係blog。又話玩xanga d人MK，其實都唔可以咁講既。外國ｄ人好多都玩xanga，香港的xangan就通常係比較後生既，咁後生仔梗係寫後生野啦。初初玩xanga係因為覺得佢個版面幾易用，但係bloggers個ｄ就複雜ｄ，我諗呢個都係咁多後生用xanga的原因。而且xanga有個好處/唔好處，就係要login先可以留言，咁唔會有ｄ無聊人來騷擾嘛，雖然依家xanga都可以匿名留言了。但係另一方面，xanga個版面好多限制，連擺條link落去都有困難，但sina呢度就唔會啦。睇番sina, bloggers的用戶通常都會寫d較有深度的文章，有時睇blog真係仲好過睇某d專欄作家的厄稿費專欄，我諗ｄ報紙真係要聯絡下呢ｄbloggers。但話說回來，呢ｄ文章大部份都係中文寫，有ｄ人仲話xanga個interface全部用英文唔好用。大佬呀，你讀左幾多年英文呀？咁都會阻到你，我又覺得有香港離國際化又遠一ｄ。

香港的blog業發展得好快，有人話係因為傳媒係九七後個個唔敢講野，所以寧願自己發表下ｄ文章，或者睇下人地ｄ文章，因為係網上講野唔會俾老細限住晒，空間大好多。呢個都係一個理由。我尋日睇「鏗鏘集」講澳門ｄ人個個敢怒不敢言，依家有一個網絡空間，俾佢地可以匿名講野，ｄ人的不滿就可以發洩出來，俾澳門以外的人從blog, youtube等地方知道佢地的心聲。講真大陸亦逐漸有好多blog同惡搞等創意方法表達不滿了，可惜官方經常用「和諧」來壓人，又有ｄ勁狗的內容供應商，好似鴉烏、myspace等做走狗，供晒人地ｄ資料出來，搞到人地連匿名發表意見都唔俾。真係可惡呀！你要個社會「和諧」唔係好掩耳盜鈴咁話禁住人地個口，等人地冇得出聲就話和諧架嘛，就好似沙士咁，唔係話個局長一句冇肺炎，ｄ病毒就消失架喎。和諧係要人地真係覺得公平，唔會一個就大魚大肉，起個辦公室成間白宮咁，另一個就訓街，日日執垃圾咁就叫和諧架嘛。雖然我唔係完全認同天主教，但之前個教宗話，有公義，先有和平。以前打仗就係因為朝政腐敗，貪晒ｄ錢等人冇飯食，所以咪反囉。你政府不斷壓迫人民，點可能有和諧呢日呀？河蟹就有份。

依家五月尾，就到六月，六月四日就係六四事件十八年。數下數下，都過左好耐，但平反呢？或者要等到共產黨執粒lu。近排一個禮義廉兼縮頭龜的人話六四唔係多存在，呢個人仲係一班烏合之眾之首，可想而知佢班友個個都係指鹿為馬的人。呢條友我唔想多講，佢同中國ｄ領導人一樣唔肯面對歷史。每當南京大屠殺前後呀，日本首相去拜靖國神社個陣，中國班領導人就係度叫囂，又話人地德國肯正視歷史你唔肯，你日本就成世冇運行咁。好心你啦，你有冇正視歷史呀？五十步笑百步！抵人地呢世都唔向你道歉。如果根據呢隻烏龜的邏輯，南京大屠殺根本唔可以叫屠殺，死左咁少人，中國成十幾億，死得個幾十萬算咩屠殺呀？而且南京都好多出口架喎，點解你班人唔走呀？係度企係度俾人堆落坑生葬，咁係咪自殺，唔係俾人屠殺呀？所以如果你地班愛國糞青要鬧人地可愛教主，唔該你又鬧下呢隻烏龜啦。正烏龜，又話自己病，係啦，返大陸睇醫生啦，大陸ｄ醫生醫術咁高明，睇怕都可以為民除害。

香港係咪真係咁和諧呢？搞到ｄ人冇事搵事來做。初頭我睇幾份學校指定的正義報，話中大學生報變態，又亂倫又人獸交，我諗，嘩，你班友唔係嗎？之前新亞桑拿已經有前科啦，又玩埋ｄ咁既野，ｄ人又話我地大學生ｄ水準低架啦（又唔檢討下你班維園阿伯ｄ水準仲低）。但係睇番ｄ內容，先知道原來係個ｄ正義報誇張。

講真，份學生報的水準又真係幾低既。第一，用埋晒ｄ廣東話寫，你話blog就用廣東話，你作文交俾先生唔會用廣東話呀嘛？兼且香港人對廣東話有嚴重歧視，拿，如果篇野用法文寫，用德文quote幾句心理學家，哲學家的名言，就唔會係淫褻啦。次一等ｄ的就用technical英文寫，即係講左十幾句，原來都係證明阿媽係女人呢個道理的文字，咁亦唔會有人話。如果用中文，一定要用書面語，兼且仲要似譯文個隻中文，即係又係唔知你講乜個隻，如果用廣東話的話，唔駛審都係淫褻架啦，你睇生果東方個ｄ鹹版係用咩文寫既？第二，你寫埋晒ｄinterviews就好似「姊妹」d信箱咁，又冇專家意見，雖然ｄ專家通常係狗up，但係個樣咪好睇囉。

但呢單野無啦啦變左二級，搞錯呀？生果東方ｄ鹹版咪仲鹹，點解又唔係二級呀？你好多外國名著都有涉及呢ｄ亂倫呀咁啦，又唔見全部二級？依家有人玩野話聖經係二級，抵死啦，俾人玩番轉頭。呢單野的始作俑者係一班冇來知識的基督邪教份子，我叫佢基督邪教，係因為佢影衰晒ｄ基督徒。呢班友一個唔該就投訴呢樣，投訴個樣，仲要政府下下都受理，都唔知係咪扯貓尾？我真真真係唔信你班友冇睇鹹書。食色性也呀嘛，只要唔係太過份既，點解唔俾人出呢？可能係cheap左ｄ，但係下下講罰，咁仲有乜人敢寫野喎。

今次的選舉雖然依舊是馬騮戲，但因為梁家傑作出不可為而為之的壯舉，而且不是李永達的得過且過式參選，所以煲呔也被扯落水般參加電視辯論。上回的辯論，我錯過了。我本來也跟記者們一樣，以為是一問一答式的悶蛋問答大會，但後來看精華才發現梁家傑改變策略，態度從容，又寸煲呔，所以得到不少掌聲。見到煲呔面容扭曲的樣子就好笑了，簡直就像喜劇之王的田雞被周星馳踩扁隻腳一樣。

當我聽到那麼多稱讚梁家傑的言論時，我開始替他擔心，因為第二回要比上一回表現得更突出才行。而煲呔經過上次的失敗後，必定會改進，他是聰明人，又有政治化妝師幫他，應該可以反勝。結果果真如此。

我對梁家傑的期望非常高，因為第一，他是個大律師，口才一定好，而且有高人指點，應該玩到煲呔再度面容扭曲，第二，煲呔是當政者，綁手綁腳，應該比較容易應付。但我覺得今次袋巾有心理壓力，十分緊張，表現失分。第一，他說話經常重複，又是說願景，又是煲呔沒承擔，有點兒單調。第二，袋巾有幾次都在一個題目中糾纏太久，如小班教學（不斷澄清自己計條數有根據）和一人一票選特首。這雖然都是這個政府的致命傷，但糾纏太久，沒有借機會借題發揮，有點可惜。第三，他說話太有餘地，沒有插死煲呔（如上次話佢係港英餘孽），這是我個人最感失望的地方。

其實話說回頭，煲呔的表現真係麻麻，可以說是辯論白痴，完全照稿讀（例如不停表示教改有成績，乜鬼成績呀？搞到ｄ家長怨聲載道就係好成績呀？），但幸好他的智囊已寫了很多標準答案給他，而上次表現又太差，所以才收復失地。今次表現他最好的，是八大傳媒的記者，有很多都問了很好的問題。印象比較深的是無線方東昇問如果煲呔要廿三條立了法才有普選，他會怎樣做？如果梁家傑真的如陶傑說，我認為廿三條立法是必要的事，承諾在六個月內立法，反問煲呔重不重要，煲呔肯定會口啞，因為經上次葉劉一役，廿三條已是untouchable，而中央又覺得極其重要，他能怎樣答呢？不重要又不是，重要又不是，這是煲呔的致命傷。

如果梁家傑可以再放開一點，在教改上就直言是李國章等一眾教統局高官失職，在回答搞港獨時，澄清不需中央實質任命，而是名義任命，在反性傾向歧視方面，表明自己支持同性戀者爭取權益，在數碼港問題上說明少林足球個studio根本佔數碼港整體面積的二百分之一，在煲呔理直氣壯說不要搞貧富分化時，反擊說這個八百人選舉制度根本就是分化的始作俑者…舉一反三，完全拋開包袱，才能顯示出這個特區政府，應該說整個選舉制度的可笑。他根本是零機會當選，根本不用俾面煲呔，甚至中央政府，講埋晒ｄ中央有理性的客套話，因為這個中央根本就係maddog，不然胡錦濤怎可能是世界第四大獨裁者呢？但梁家傑足到鹿唔識脫角，認真令人失望。

可能大家都不習慣辯論，所以雙方水平不高（尤其是煲呔）。辯論不但要有口才，在這個電視辯論這種分秒必爭的情況下，更加要有急才。而在中國人的角度裡，辯論就是狡辯，口窒就是務實，的確不利於培育出有口才的人。但這次辯論無疑令我開眼界，到底外國的辯論又是怎樣的呢？一場精彩有水準的辯論是怎麼的呢？相信這只有真民主（不是李x街說的那種）的國家才能見到了。